ಗೋವಾ ರಾಜ್ಯದ ಮಾರ್ದೊಳ ಕ್ಷೇತ್ರದಲ್ಲಿ ಸಹಸ್ರಾರು ಭಕ್ತರ ಕುಲದೇವಿಯಾಗಿ ನೆಲೆಗೊಂಡಿರುವ ಶ್ರೀ ಮಹಾಲಸಾ ನಾರಾಯಣಿ ದೇವಿಯು ರಕ್ಕಸರ ಮರ್ದನಕ್ಕಾಗಿ ಮೋಹಿನಿ ಅವತಾರ ತಾಳಿರುವ ವಿಷ್ಣುಸ್ವರೂಪಿಣಿಯೆಂದು ಪುರಾಣದಲ್ಲಿ ಉಲ್ಲೇಖ.
ಧರ್ಮದರ್ಶಿಗಳ ಕುಟುಂಬದ ಕುಲದೇವತೆಯಾಗಿ ಕಾರ್ಗಲ್ ಕ್ಷೇತ್ರದಲ್ಲಿ ಪ್ರತಿಷ್ಠಾಪನೆಗೊಂಡು ಸಕಲ ಭಕ್ತಕುಲವನ್ನು ಸಲಹುತ್ತಿರುವ ದೇವಿಗೆ ಶ್ರೀ ಕ್ಷೇತ್ರದಲ್ಲಿ ಪ್ರತಿ ವರ್ಷ ನೆರವೇರುವ ಜಾತ್ರೊತ್ಸವದ ಪ್ರತಿಷ್ಠಾ ವರ್ಧಂತಿಯ ದಿನದಂದು ರಥೋತ್ಸವ ಹಾಗೂ ಪಲ್ಲಕ್ಕಿ ಉತ್ಸವ ಸೇವೆಯು ಜರುಗಲಿದೆ.